martedì 13 aprile 2010

'A paura 'e campà



A chesta età s'accumienza a sentì a paura 'e murì.
A chesta età se sente 'o corë ca battë cchiù forte 'e primma.
A chesta età s'appannanë l'uocchië e se vedeno 'e fantasmë
aqquattatë dinto 'e stanzë vacantë e friddë.
Pe’ me a chesta età accumienza 'a paura 'e campà.
Dinto a ‘sta cammarella stritta e scura, co' 'sta fenesta chiusa.
Senza tendine, senza colore... senza calore.
Senza nu vaso chino 'e sciurë 'ncoppa 'o davanzalë.
Campà accussì è peggio ca murì.
A morte è morte e nun po’ fa’ paura,
ma sta vita triste e sula
me schiatta ‘o corë e me leva ‘o sciato!
M’ affoca!

‘O scuro!

‘O sudore scennë p’a schiena,
commë a na lengua fridda e ummeda.

‘O sientë ‘o rumorë ro silenzio!
‘O sientë ‘o friddo r’ abbandono!
‘O sientë ‘o terrore e ‘o dulorë!

‘A paura ‘e campà me fa’ murì!

Nessun commento:

Posta un commento